خايف عليـــــــك شكثر ...

كلبك غصن مو كلب .. كل ساعه شايل طير
كل يوم عندك محب .. كل يومعندك غير
رايك تبدله وترد ..ما عندك انت اي راي
تبجي اعله صوت الطبل ...وتعوف حزن الناي
تعصرني وي دمعتي .. تشربني مثل الماي
خايف عليك شكثر .. واخطاءك انت هواي
بعدك مراهق اضن .. خليت بذنك كطن
بالدنيه ضل امتحن .. والراح درس الجاي
بالك تحب اي شخص .. بالك تطيح ابـــيــــر
درب الندم مو درب .. لو صابك التـــفكير
كدامك انت العمر
اصبر جميل الصبر
لاتضن صرت اجبــيـــر
اذياب يمك اجو ..والذيب الك غدار
وانت رقيق وحلو ...خايف تلوحك نار
يعبر عليك الجذب ..بعدك طفل واصغير
واتصدك انت التحب ..لو كال فيل يطير
خايف عليك شكثر ..خايف عليك تحير
بعدك بأول درب .. والجاي كلش صعب
فكـــــــــــر كبــــــــــــــل ما تحــــــــــــــب
لاتوكع انت ابـــــيــــر
تحياتي لكم