بكل يوم انا اشوفج يمي وتمرين ...
يرجف جسمي كله وينكطع نبضي ..
من اوكف واشوفج جيتي من ابعيد ...
يختل وزني كله طولي وي عرضي ..
يا قطعة جمال وتمشي فوك الكاع ...
رضي كليبي حيل شبيج وج رضي ..
يا اجمل قصيده وبيها انا اتغنيت ...
ياشمسي ونجومي وعمالي وارضي ...
ياعين الغزال عيونج الحلواات ...
خلي اسهام عينج بالجسد تمضي ..
وصدي وخل اشوف عيونج بساع ...
بلكن وضعي يمشي وينعدل حضي ..
افرضيني مدرج مرة صدي علي ..
افرضيني شما ردتي شبيج بس فرضي ..
.............
احسبيني امن واكف لج على الباب ..
غصبن عنج انتي يمة وتمرين ...
احسبيني ادمنيشن* شما وصلتي بعيد ..
لازم ترجعين وبيه تتسجلين ...
أعرف من تجين على العطور البيج ..
جن انتي الوحيده البيه تتعطرين ..
ميت انا لاجلج رحمي بيه شبيج ..
بجمله او بالحرف لو حته صدة عين ...
اطلب كربج اني وكولي اي لو لا ..
تكدر تقبليني وتكدر ترفضين .
وصفه ..
جمالك انقى من الماس واصفة ..
ويحتار الشعر لو ردت وصفه
صرت انت طبيبي وردت وصفه
تشيل الالام نزلت وك عليه